भांडण

भांडण आहे एक नाटक
त्याला दोन नट लागतात
कारण लागत नाही

एकटाच नट असेल तर
एखादा प्रेक्षक तरी लागतो
वेळकाळ लागत नाही

सेटवरच्या  काळ्य़ाकुट्ट भिंतींशी
आणि समोरचा अंधार बघत,
भांडता येत नाही

(नाटक संपल्यावर) उभारलेल्या
खोट्या जमिनीवर, गलितगात्र होवून
पडता येत नाही

सेट नाही, दुसरा नट नाही , प्रेक्षकही नाही
तरीही हे नाटक स्वतःचे स्वतःशीच रंगू शकते

पण त्यात धोका आहे
कधीही ते भंगू शकते

पण या प्रकारच्या नाटकात 
पीएच. डी मात्र अखेर मिळू शकते
मला मिळालीय

कशी ते सांगत नाही  कारण पेन संपलय
यु सी ऑल द पेन इज ओव्हर