एक जागा अशी आहे
जिथे आहे किनारा
आणि अथांग समुद्र

त्या किनाऱ्यावर
आहे वाळवंट
आणि वाळूचा एक पर्वत  


त्या पर्वताला 
आहे एक खोल दरी
आश्वासक आणि काळोखी

पर्वताच्या कड्यावरून
गोंघावतो वारा
 जाणवतो वाऱ्यातून स्पर्श

स्पर्शातून पालवी
पालवीतून अरण्य
घनदाट होईल

अरण्यातून प्रकाश
प्रकाशातून आकाश
दिसेल 

आणि एक आहे भुयार
आणि त्यातून वाहणारी गुप्त नदी  


पण तिला प्रकाश
दिसत नाही
नाद ऐकू येत नाही
श्वास कळत नाही


पण तरीही आहे तिथे
पर्वताच्या हृदयाचा नाद
अरण्याचा भास
आणि समुद्राचा श्वास

अशी ही जागा आहे